Bu il Azərbaycanın əsas buğda tədarükçüsü Qazaxıstan olub. Bu haqda aprelin 13-də Sputnik Azərbaycan məlumat paylaşıb.
Belə ki, ölkəmiz 2022-ci ilin yanvar-fevral aylarında 52 milyon dollar dəyərində 150 min tondan çox buğda idxal edib. Xaricdən alınan buğdanın 54%-i Qazaxıstanın, 46%-i isə Rusiyanın payına düşüb.
Sözügedən dövr ərzində Qazaxıstan Azərbaycana 81 min tondan çox buğda ixrac edib. Bu göstərici 2021-ci ilin eyni dövrü ilə müqayisədə 27 dəfə çoxdur.
