12-13 mart tarixində 11 illik təhsil səviyyəsi üzrə keçirilmiş buraxılış imtahanlarının nəticələri açıqlanıb. Bu barədə aprelin 12-də Dövlət İmtahan Mərkəzindən məlumat verilib.
İmtahan iştirakçıları bu keçidə daxil olaraq iş nömrəsi və şəxsiyyəti təsdiq edən sənədin nömrəsindən istifadə etməklə öz imtahan nəticələrini öyrənə bilərlər. Nəticələri, həmçinin buraxılış vərəqəsində göstərilən kodu 7727 nömrəsinə göndərməklə də əldə etmək olar.
Bu imtahanlarda iştirakı nəzərdə tutulan 46 115 nəfərdən 626 nəfər imtahana gəlməyib. İmtahan qaydalarını pozduğu üçün 16 nəfərin nəticəsi ləğv olunub.
Abituriyentlər arasında 3 nəfər - Ağcabədi, Mingəçevir və Bakı məktəblərinin məzunları 297,5 bal toplayıb.
25 aprel tarixindən etibarən onlayn apellyasiya prosesi təşkil ediləcək. Apellyasiya komissiyasına müraciət etmək istəyənlər aprelin 18-dən 20-dək elektron ərizəni doldurmaqla qeydiyyatdan keçə bilərlər.
