İctimai Televiziyada "Baş tutmayan tələ" sənədli filmi yayımlanıb. Bu haqda məlumatı İnsanoid bu gün, 25 fevral tarixində verir.
Filmdə Ermənistan Xüsusi xidmət orqanlarının əməkdaşı Artur Arustamyanın şərti adı “Cananə” olan Dövlət Təhlükəsizlik Xidmətinin (DTX) əməkdaşı ilə yazışması və ondan məlumatlar toplamağa çalışması əks olunur.
Sonra isə A.Arustamyan "Cananə"yə aşiq olur və özü haqqında bir çox şeyi ona etiraf edir. "Baş tutmayan tələ" sənədli filmində erməni agentin səs yazısı və görüntüləri də əks olunub.
O, hətta kimliyini isbat etmək üçün Ermənistan Baş naziri Nikol Paşinyanla olan iclasdan şəklini "Cananə"yə göndərir.
Qeyd edək ki, A.Arustamyan sosial şəbəkələr vasitəsilə müxtəlif Azərbaycan vətəndaşları ilə dialoqlar quraraq məlumatlar toplamağa çalışıb.
