Cari ilin ilk 2 ayı ərzində Azərbaycan 74,7 min tondan çox meyvə-tərəvəz məhsulları ixrac edib. Bu barədə 18 mart tarixində dərc edilmiş Dövlət Gömrük Komitəsinin son hesabatında məlumat verilib.
Meyvə-tərəvəzin ixracından 92,3 milyon dollardan çox vəsait əldə edilib. Ən çox gəlir meşə fındığının (29,1 milyon dollar), xurmanın (27,1 milyon dollar) və pomidorun (24,5 milyon dollar) satışından əldə edilib.
Qeyd edək ki, ötən ilin eyni dövrü ilə müqayisədə ölkənin pomidorun ixracından əldə etdiyi gəlir 72%, meşə fındığının ixracından gələn gəlir isə 51% artıb.
