2022-ci ilin ilk 3 ayı ərzində Azərbaycanda 30 milyard manatlıq ümumi daxili məhsul (ÜDM) istehsal edilib. Bu da ötən ilin müvafiq dövrü ilə müqayisədə 6,8% çoxdur. Bu barədə 14 aprel tarixində Dövlət Statistika Komitəsinin hesabatında deyilir.
Qeyd edək ki, iqtisadiyyatın neft-qaz sektorunda əlavə dəyər 0,6%, qeyri-neft-qaz sektorunda isə 10,3% artıb.
ÜDM istehsalının 54,1%-i sənaye, 7,9%-i ticarət və nəqliyyat vasitələrinin təmiri, 5,8%-i nəqliyyat və anbar təsərrüfatı, 32,2%-i isə digər sahələrin payına düşüb.
Əhalinin hər nəfərinə düşən ÜDM 2 990,9 manat təşkil edib.
