Praqada Karlova Universitetinin fəlsəfə fakültəsində baş verən atışma nəticəsində hücumçu da daxil olmaqla azı 15 nəfər ölüb, daha 24 nəfər yaralanıb. Bu barədə İnsanoid Xarici KİV-lərə istinadən bu gün, 22 dekabr tarixində xəbər verir.
Çexiya hökuməti dekabrın 23-ü Praqadakı Karlova Universitetinin fəlsəfə fakültəsində baş vermiş atışma nəticəsində həlak olanların xatirəsinə matəm günü elan etmək qərarına gəlib.
Respublikanın Baş naziri Petr Fiala Nazirlər Kabinetinin fövqəladə iclasından sonra keçirilən mətbuat konfransında bildirib ki, hökumət həlak olanların ailələrinə və yaxınlarına başsağlığı verən qətnamə qəbul edib:
“Dekabrın 23-də faciə qurbanlarının xatirəsinə dövlət matəm günü elan edilib. Saat 12:00-da (Bakı vaxtı ilə 15:00-da - red.) bütün vətəndaşlardan qurbanları bir dəqiqəlik sükutla yad etməyi xahiş edirəm”.
Prezident Petr Pavel universitetdə baş verən atışmanın “Çexiya tarixində ən faciəli hadisə” olduğunu bildirib.
