Narkotiklərin satışı ilə məşğul olan və silahlı şəxslərə qarşı əməliyyatlar keçirilib. Bu barədə aprelin 8-də Daxili İşlər Nazirliyindən məlumat verilib.
İlk tədbir zamanı narkotiklərin Azərbaycana qaçaqmalçılıq yolu ilə gətirilməsini təşkil edən Saatlı sakinləri Yaşar Cəfərov və tanışı Gülnarə Nəsirova saxlanılıblar. Onlardan 10 kiloqrama yaxın heroin götürülüb.
Növbəti əməliyyat zamanı Suraxanı rayonunda qanunsuz olaraq odlu silah-sursat saxlamaqda şübhəli bilinən Bəhmən İbrahimov tutulub. Onun üzərindən “TT” markalı tapança və patronlar aşkar olunub.
Saxlanılanların hər biri barəsində cinayət işi başlanılıb. Adları sadalanan şəxslər barəsində həbs qətimkan tədbirləri seçilib.
