Daha üç prezidentliyə namizədin vəkil edilmiş şəxsləri qeydə alınıb. Bu barədə Report 18 yanvar tarixində xəbər verib.
Mərkəzi Seçki Komissiyasının (MSK) katibi Arifə Muxtarova bildirib ki, MSK-nın bu gün keçirilən iclasında prezidentliyə namizədlər Zahid Oruc və Fuad Əliyevin, o cümlədən Bütöv Azərbaycan Xalq Cəbhəsi Partiyasının (BAXCP) vəkil edilmiş şəxslərinin qeydə alınması məsələsi müzakirəyə çıxarılıb.
Məsələ səsverməyə çıxarılaraq qəbul edilib.
BAXCP-nin prezidentliyə namizədi Qüdrət Həsənquliyevdir.
