Bakıda dəm qazından boğularaq ölən Əli və Sərxan Həsənov qardaşları Tovuz rayonunun Ağbulaq kəndində bu gün dəfn olunublar. Bu barədə 26 yanvar tarixində Report məlumat verib.
Hadisə iki qardaşın kirayədə qaldığı mənzildə yanvarın 25-i gecə saatlarında baş verib. Sərxan bu gün ABŞ-yə getməli imiş.
Mərhumların əmisi Aslan Həsənov bildirib ki, onlar ailədə 6 nəfər olublar: iki bacı, iki qardaş, ana və ata. Bacılardan biri eşitmə məhdudiyyətli olub. Digər bacı isə elə Ağbulaq kəndinə gəlin köçüb. Anası evdar qadındır, atası isə təsərrüfatla məşğul olur. Sərxanın qardaşı keçən ilin noyabr ayında ailə həyatı qurub. Yanvarın 24-də Əli həyat yoldaşı Aynuru Bakıda yaşayan qayınatasıgilə aparıb. Sonradan yaxınları onların zənglərinə cavab verməyən qardaşlardan nigaran qalıblar. Evə ilk gələn Əlinin həyat yoldaşı və onun qardaşı olublar. Onlar evə daxil olan zaman Əli və Sərxanın dünyasını dəyişdiklərini görüblər”.
A.Həsənov bildirib ki, Əli Bakıda traktor sürücüsü işləyib.
Qeyd edək ki, ADA Universitetinin 2002-ci il təvəllüdlü tələbəsi Sərxan Həsənov və onun 2001-ci il təvəllüdlü qardaşı Əli Həsənov ötən gecə yaşadıqları mənzildə dəm qazından zəhərlənərək vəfat ediblər.
