Daşaltıda 2,4 hektar ərazidə kənd üslubunda hotel və istirahət mərkəzi tikiləcək. Bu barədə İnsanoid Prezidentin Mətbuat Xidmətinə istinadən bu gün, 21 iyul tarixində xəbər verir.
İlham Əliyev Şuşa rayonunun Daşaltı kəndinin yenidən qurulması ilə bağlı görüləcək işlərlə tanış olub.
Hotel kompleksi ikimərtəbəli 10 binadan ibarət olacaq. Ümumilikdə 48 nömrədən ibarət olacaq hotel kompleksində restoran, əyləncə və idman-sağlamlıq mərkəzləri, uşaqlar üçün oyun meydançası, istirahət parkı yaradılacaq.
Daşaltı özəl sektor üçün nəzərdə tutulan evlərin və turizm obyektlərinin tikintisi “PMD Group” MMC tərəfindən yerinə yetirilir.
Bundan əlavə, Daşaltıda sakinlərin yaşayışı üçün ümumilikdə 228 ev inşa ediləcək.
