Ramazan ayının gəlişi ilə Azərbaycanda bir çox insan oruc tutmağa başlayıb. Oruc tutanları maraqlandıran suallardan biri də COVID-19-la mübarizədə istifadə olunan dezinfeksiyaedicilərin və peyvəndin orucu pozub-pozmamasıdır. Məsələ ilə bağlı aprelin 11-də ilahiyyatçı Ağa Hacıbəyli Trend-ə açıqlama verib.
Din xadiminin sözlərinə əsasən, gigiyena məqsədi ilə odekolon və dezinfeksiyaedici maddənin istifadəsi orucu batil etmir.
“Əgər vurulan iynə qidanı əvəz etmirsə, bu, orucu pozmur”, - deyə A.Hacıbəyli vaksinasiya ilə bağlı məsələni şərh edərkən bildirib.
