Dövlət Gömrük Komitəsinin (DGK) sədri Şahin Bağırov Quba şəhərindəki Heydər Əliyev Mərkəzində Quba və Qusar rayonlarından olan vətəndaşları qəbul edib. Bu barədə İnsanoid komitənin mətbuat xidmətinə istinadən bu gün, 16 iyun tarixində xəbər verir.
Bu gün baş tutan qəbuldan öncə DGK sədri Quba şəhərinin mərkəzində ümummilli lider Heydər Əliyevin abidəsini ziyarət edərək önünə gül dəstəsi qoyub.
Qəbulda Quba və Qusar rayon sakinlərinin müraciətləri dinlənilib. Vətəndaşların müraciətləri, əsasən, işə qəbul, idxal-ixrac əməliyyatları və digər gömrük məsələləri ilə bağlı olub.
Görüş zamanı hər bir vətəndaşın müraciəti diqqətlə dinlənilib və qaldırılan məsələlərin bir qismi yerindəcə həllini tapıb, araşdırılması tələb olunan bəzi müraciətlərlə bağlı müvafiq tədbirlər görülməsi üçün aidiyyəti strukturların rəhbərlərinə tapşırıqlar verilib.
