Bakıda mağazada qadına qarşı quldurluq edən şəxs saxlanılıb. Bu barədə 21 iyul tarixində Report DİN-ə istinadən məlumat verib.
Hadisə iyulun 20-də saat 12 radələrində A.M.Şərifzadə küçəsində yerləşən bir mağazada qeydə alınıb.
Şəhər sakini Aydın Abbasov satıcını kəsici alətlə hədələyərək oradan geyim əşyası talamaqda şübhəli bilinərək saxlanılıb.
O, əvvəllər də soyğunçuluq və narkotiklərlə əlaqəli cinayətlərə görə məhkum olunub.
A. Abbasovun iyulun 18-də bir qadının içərisində pulu və mobil telefonu olan cüzdanını oğurladığı da məlum olub.
Faktla bağlı araşdırma aparılır.
