DTX-nin əməkdaşları Şəhidlər xiyabanını ziyarət edib. Bu barədə İnsanoid Dövlət Təhlükəsizliyi Xidmətinin Mətbuat Xidmətinə istinadən bu gün, 20 yanvar tarixində xəbər verir.
20 Yanvar faciəsinin növbəti ildönümü ilə əlaqədar Dövlət Təhlükəsizliyi Xidmətinin rəisi general-polkovnik Əli Nağıyev və xidmətin əməkdaşları Şəhidlər xiyabanında Azərbaycanın müstəqilliyi və ərazi bütövlüyü uğrunda canlarını fəda etmiş qəhrəman Vətən övladlarının əziz xatirəsini dərin hüznlə anıb, məzarları üzərinə qərənfillər düzüblər.
Sonra Dövlət Təhlükəsizliyi Xidmətinin şəxsi heyəti adından “Əbədi məşəl” abidəsinin önünə əklil qoyulub.
Şəhidlər xiyabanında dəfn edilmiş təhlükəsizlik orqanları əməkdaşlarının məzarları da ziyarət olunub.
[caption id="attachment_159572" align="alignnone" width="696"]
Foto DTX[/caption]
