Elm və təhsil naziri Emin Əmrullayev Zaqatala, Şəki, Oğuz, Qəbələ, Qax və Balakən rayonlarının sakinlərini qəbul edəcək. Bu barədə 4 avqust tarixində Elm və Təhsil Nazirliyi məlumat yayıb.
Görüş 30 avqust 2023-cü il tarixində Zaqatala rayonunda keçiriləcək.
Qəbulda iştirak etmək istəyən adları çəkilən rayonların sakinləri 15 avqust 2023-cü il saat 18:00-dək Elm və Təhsil Nazirliyinin Çağrı Mərkəzinin 146-6 nömrəli telefonuna (yalnız iş günləri və saatları ərzində) zəng etməklə qəbula yazıla bilərlər.
Eləcə də nazirliyin rəsmi saytına elektron formada və ya +994 51 206 78 48 nömrəsinə “WhatsApp” vasitəsilə müraciət göndərmək mümkündür.
