Ermənistan silahlı qüvvələri bölmələrinin Basarkeçər rayonunun Zod yaşayış məntəqəsi istiqamətində yerləşən mövqelərindən açılan atəş nəticəsində Azərbaycan Ordusunun hərbi qulluqçusu Məhəmməd Tağıyev yaralanıb. Bu barədə İnsanoid Müdafiə Nazirliyinə istinadən bu gün, 1 sentyabr tarixində xəbər verir.
Ötən gün Azərbaycan ordusunun mövqeləri müxtəlif istiqamətlərdən atəşə tutulub.
31 avqust, saat 19:30 və 22:15 radələrində Ermənistan silahlı qüvvələrinin bölmələri Basarkeçər rayonunun Zod yaşayış məntəqəsi, həmçinin rayonun İstisu yaşayış məntəqəsi istiqamətində yerləşən mövqelərindən Azərbaycan Ordusunun üzbəüz mövqelərini atıcı silahlardan atəşə tutub.
Eyni zamanda saat 20:15-də Ermənistan silahlı qüvvələrinin bölmələri Qafan rayonu istiqamətində yerləşən mövqelərindən Ordumuzun Naxçıvan Muxtar Respublikasının Ordubad rayonu istiqamətində yerləşən mövqelərini də atıcı silahlardan atəşə tutub.
