Füzuli rayonunda iki nəfərin ölümü ilə nəticələnən yol qəzası ilə bağlı cinayət işi açılıb. Bu barədə martın 15-də Report xəbər paylaşıb.
Hadisə ilə bağlı “yol hərəkəti və nəqliyyat vasitələrinin istismarı qaydalarını pozma, ehtiyatsızlıqdan zərərçəkmiş şəxsin ölümünə səbəb olduqda” maddəsilə cinayət işi başlanılıb.
Martın 13-ü saat 14:00 radələrində iki “Mercedes” markalı avtomobil toqquşub. Nəticədə sürücülərdən biri və onun sərnişini hadisə yerində həlak olub. Digər sürücü və üç sərnişini isə xəstəxanaya çatdırılıblar.
Xəsarət alan sürücü Şuşa Rayon Polis Şöbəsinin Yol Polisi Bölməsinin rəisidir.
