Azərbaycan şahmatçısı Teymur Rəcəbov yenidən Beynəlxalq Şahmat Federasiyasının (FIDE) yeni reytinqində ilk onluğa düşüb. Bu barədə 28 fevral tarixində FİDE məlumat verib.
O, 2 747 xalla 10-cu pillədə qərarlaşıb. Digər qrosmeyster Şəhriyar Məmmədyarov aktivindəki 2 738 xalla 15-ci yerdə qalıb.
Siyahıya əvvəlki kimi norveçli dünya çempionu Maqnus Karlsen (2 852) başçılıq edir. Rusiyalı Yan Nepomnyaşi (2 795) ikinci, çinli Liren Dinq (2 788) üçüncüdür.
Qadın şahmatçılardan Günay Məmmədzadə (2 472) 22-ci, Ülviyyə Fətəliyeva (2 427) 42-ci, Gövhər Beydullayeva (2 388) 61-ci, Xanım Balacayeva (2 372) 70-ci, Gülnar Məmmədova (2 358) 88-ci yerdə qərar tutublar.
