Erməni təşkilatlarının Koordinasiya Şurası (CCAF) Fransa Senatının önündə mitinq keçirmək üçün çağırış edib. Bu barədə 6 noyabr tarixində AZfront xəbər yayıb.
Onların məqsədi Azərbaycana qarşı yürüdülən sanksiya iddialarına dəstək olmaqdır. "Senatın bu təşəbbüsünü dəstəkləmək, deputatlara təşəkkür etmək və qətnamənin hökumət tərəfindən tətbiq edilməsini tələb etmək üçün CCAF 15 noyabr çərşənbə axşamı, saat 17:30-da Tournon küçəsində, Lüksemburq sarayının qarşısında böyük dəstək mitinqinə çağırır”, - deyə CCAF-ın saytında dərc olunmuş müraciətdə deyilir.
Qeyd edək ki, azərbaycanlı fəallar tərəfindən oktyabrın 11-də ermənipərəst qüvvələrin qətnaməsinə qarşı Fransanın Mesopinions.com petisiya saytında ölkənin Senatına və xalqına müraciət yerləşdirib. Noyabrın 6-da günorta saatlarında bu petisiyanı artıq 85 minə yaxın adam dəstəkləyib.
Petisiyaya dəstək aksiyaları 15 oktyabr tarixində Bakıdakı Fransa səfirliyinin qarşısında keçirilib. Daha sonra Azərbaycan diasporunun nümayəndələri oxşar piketləri oktyabrın 19-u Rusiyanın Moskva şəhərində, 26-sı Qazaxıstanın Astana şəhərində, 28-i Qırğızıstanın Bişkək və 30-u Almaniyanın Köln şəhərlərində yerləşən Fransa səfirlikləri və konsulluğu önundə keçiriblər.
PETİSİYANIN AZƏRBAYCAN DİLİNDƏ İMZALANMA QAYDASI
PETİSİYANIN RUS DİLİNDƏ İMZALANMA QAYDASI
PETİSİYANIN TÜRK DİLİNDƏ İMZALANMA QAYDASI
PETİSİYANIN FARS DİLİNDƏ İMZALANMA QAYDASI
PETİSİYANIN İNGLİS DİLİNDƏ İMZALANMA QAYDASI
PETİSİYANIN QAZAX DİLİNDƏ İMZALANMA QAYDASI
PETİSİYANIN ÖZBƏK DİLİNDƏ İMZALANMA QAYDASI
Bu postun linkini qohumlarınız, dostlarınız və tanışlarınız arasında yayın. Birlikdə biz – qüvvəyik!
Petisiyanın daha çox yayılması üçün bu heşteqlərdən istifadə edək:
#BizAzərbaycanıq, #AzərbaycanıQoruyaq
