Fransa Senatında Azərbaycan əleyhinə qəbul edilən qətnaməyə 295 deputat lehinə, 1 deputat əleyhinə səs verib, 36 deputat isə bitərəf qalıb. Bu barədə noyabrın 16-da Azfront məlumat yayıb.
RDPİ parlament qrupundan olan deputat Nikol Durantonun sözlərinə əsasən, qətnamə Dağlıq Qarabağ Respublikasının tanınmasının zəruriliyini bir daha təsdiq edir: “Bu, Fransanı davamlı sülhün bərqərar olması üçün vasitəçi rolunu oynamaq imkanından məhrum edir”.
O əlavə edib ki, RDPİ qrupunun əksəriyyəti bitərəf mövqe tutmaq qərarına gəlib. Səbəb isə belə bir qətnamə layihəsinin məqsədəuyğunluğuna ciddi və dərin şübhələrin olmasıdır.
Qeyd edək ki, noyabrın 15-i Fransa Senatında ölkəmizə qarşı qətnamə layihəsi müzakirəyə çıxarılıb.
Fransalı deputatlar Azərbaycana qarşı sanksiyaların tətbiq edilməsini və Ermənistanın silahlandırılmasını müzakirə edərkən, petisiyada imzaların sayı 128 mini keçib. Amma fransızlar üçün bu səslərin heç bir mənası olmayıb.
