Füzuli rayonunda 16 yaşlı gənc oğlan yol-nəqliyyat hadisəsi zamanı ağır xəsarətlər alıb. Bu barədə Report 5 iyul tarixində xəbər verib.
İki avtomobilin toqquşması nəticəsində 16 yaşlı Sərxan Niftəliyev xəsarət alıb. O, təcili tibbi yardımın köməkliyi ilə rayon mərkəzi xəstəxanasına çatdırılıb.
Lakin vəziyyəti ağır olduğu üçün Bakıda yerləşən xəstəxanalardan birinə gətirilib.
Müayinə zamanı ona açıq kəllə-beyin travması və baş-beyinin əzilməsi diaqnozu qoyulub.
Faktla bağlı araşdırma aparılır.
