Gəncənin Əziz Əliyev prospektində yerləşən evə basqın edən şəxs ev sahibinə xəsarət yetirib. Bu barədə aprelin 9-da APA məlumat yayıb.
Naməlum şəxslər kəsici alətlə mənzil sahibi olan Rəşid Abbasovun baş nahiyəsindən xəsarətlər yetiriblər. Daha sonra onlar yaranan səs-küyə görə hadisə yerindən qaçıblar. Yaralı xəstəxanaya çatdırılıb.
Faktla bağlı araşdırma davam edir.
Rəşid Abbasov Gəncə hadisələrində qətlə yetirilən GŞBPİ-nin Nizami rayon Polis idarəsinin rəis müavini mərhum Səməd Abbasovun qardaşıdır. Onun digər qardaşı isə İmamzadə ziyarətgahının mütəvəllisi, Qafqaz Müsəlmanları İdarəsi sədrinin Qərb bölgəsi üzrə səlahiyyətli nümayəndəsi Hacı Tahir Abbasovdur.
