Gəncənin Fətulla Həsənov küçəsində avtomobil piyadaları vurub. Bu barədə martın 17-də APA xəbər verib.
Məlumata görə, hərəkətdə olan “Mercedes” markalı avtomobil şinlərindəki nasazlığa görə yol kənarında dayanan 3 piyadanı vurub.
Daha sonra 20 yaşlı Bakı şəhər sakini, 19 yaşlı Şəki sakini və 20 yaşlı Tovuz sakini xəstəxanaya çatdırılıb. Onlardan birinin vəziyyətinin ağır olduğu bildirilib.
Zərərçəkənlər Azərbaycan Dövlət Aqrar Universitetinin tələbələridir.
Faktla bağlı araşdırma davam edir.
