Gəncədə 2 nəfərin xəsarət alması ilə nəticələnən yol-nəqliyyat hadisəsi baş verib. Bu barədə Report 1 avqust tarixində xəbər verib.
Hadisə 20 Yanvar abidəsinin yaxınlığında qeydə alınıb.
"Chevrolet" markalı avtomobilin idarəetmədən çıxaraq yol kənarındakı maşına çarpılması nəticəsində 40 yaşlı Vaqif Rəhimov və onun 16 yaşlı oğlu F.Rəhimov xəsarət alıblar.
Hər ikisi xəstəxanaya aparılıb, vəziyyətləri kafi qiymətləndirilir.
Faktla bağlı araşdırma aparılır.
