Gəncə şəhər ərazisində oğurluq etməkdə şübhəli bilinən şəxslər saxlanılıblar. Bu barədə 31 iyul tarixində APA məlumat verib.
Cari ilin müxtəlif vaxtlarında vətəndaşlara məxsus evlərə qeyri-qanuni yolla daxil olaraq, oradan ümumilikdə dəyəri 30 000 manatdan çox olan məişət əşyalarını oğurlamaqda şübhəli bilinən Arif Hacıyev saxlanılaraq istintaqa təhvil verilib. Şəxs ətrafında istintaq tədbirləri davam etdirilir.
Daha bir əməliyyat nəticəsində vətəndaşın etibarından sui-istifadə edərək onun bank kartındakı pulu ələ keçirən şəxs saxlanılıb. Araşdırmalar zamanı məlum olub ki, Kənan Vəliyev onlayn yolla vətəndaşın kartından 902 manat pulu başqa karta köçürərək mənimsəyib.
Digər bir əməliyyat nəticəsində isə şəhər ərazisində 15-ə yaxın velosipedi oğurlamaqda şübhəli bilinən Elgün İsmayılov saxlanılıb. Dindirilmə zamanı E. İsmayılov törətdiyi cinayət hadisəsini etiraf edərək oğurladığı velosipedləri satdığını bildirib.
Faktlarla bağlı cinayət işi başlanılıb, araşdırmalar davam etdirilir.
[gallery link="file" size="full" ids="123746,123747,123748"]
