Bakıda gecə klubunda partlayışa görə həbs edilən Rəsul Rəsulovun apellyasiya şikayəti aprelin 7-də təmin edilməyib. Bu barədə APA xəbər yayıb.
Daha öncə, aprelin 5-də R.Rəsulov apellyasiya şikayəti verib. O bildirib ki, 3-cü qrup əlildir, astma xəstəliyindən əziyyət çəkir və himayəsində yataq xəstəsi olan anası var. Lakin birinci instansiya məhkəməsinin qərarı dəyişdirilmədən saxlanılıb.
İaşə obyektini icarəyə götürmüş “Merser food” MMC-də administrator işləyən Rəsul Rəsulov “yanğın təhlükəsizliyi qaydalarını pozma – ehtiyatsızlıqdan zərərçəkmiş şəxsin ölümünə və ya digər ağır nəticələrə səbəb olduqda” maddəsilə ittiham olunub. Onun barəsində Binəqədi rayon məhkəməsində həbs qətimkan tədbiri seçilib.
