Goranboyda oğurluq edən maskalı şəxslər saxlanılıblar. Bu barədə 6 yanvar tarixində Report məlumat verib.
Rayonun Qaradağlı kəndində yerləşən ərzaq mağazasına 2 nəfər maskalı şəxs obyektin qapısını sındıraraq daxil olub və oradan 250 manat nağd pul, 2000 manat dəyərində tütün və ərzaq malları oğurlayıb.
Şübhəli bilinən şəxslərin rayonun Yolqulular kənd sakini, əvvəllər məhkum olunmuş Əli Məmmədov və Gəncə şəhər sakini, əvvəllər məhkum olunmuş Rövşən Qafarov olduqları müəyyən edilib və həmin şəxslər maddi şübutlarla birlikdə saxlanılaraq istintaqa təhvil veriliblər.
Şübhəli şəxslərin ətrafında davam etdirilən istintaq-əməliyyat tədbirləri nəticəsində Ə. Məmmədovun 2023-cü ilin fevral ayında həmkəndlisinin evinə daxil olaraq oradan 200 dollar və 204 manat nağd pul oğurlaması da məlum olub.
Faktlarla bağlı araşdırmalar davam etdirilir.
