Goranboy Rayon Polis Şöbəsinin əməkdaşları rayon ərazisində yer təkinin istifadə qaydalarının pozulmasına qarşı monitorinq tədbirləri həyata keçirib. Bu barədə Report 21 noyabr tarixində xəbər verib.
Goranboy Rayon Polis Şöbəsinin, Ekologiya və Təbii Sərvətlər Nazirliyinin 10 saylı Regional İdarəsinin əməkdaşlarının birgə keçirdikləri sonuncu reyd zamanı rayonun Veysli kəndi ərazisində qanunsuz olaraq, "KAMAZ" markalı yük avtomobili ilə torpaq daşınması aşkarlanıb.
Faktla bağlı 2 nəfər barəsində İnzibati Xətalar Məcəlləsinin 228-ci ( İcazə olmadan və ya icazə şərtlərini pozmaqla yerin təkindən istifadə etmə) maddəsi ilə protokol tərtib olunub.
Araşdırmalar davam etdirilir.
