Göygöldə 34 800 manatlıq mal-qara oğurlanıb. Bu barədə 3 iyul tarixində Report Daxili İşlər Nazirliyinə istinadən məlumat verib.
Bildirilib ki, Göygöl Rayon Polis Şöbəsinin əməkdaşlarının keçirdikləri əməliyyat-axtarış tədbirləri nəticəsində rayon sakininə məxsus ümumi dəyəri 34 800 manat olan 109 baş xırdabuynuzlu mal-qaranı oğurlamaqda şübhəli bilinən şəxslər saxlanılıblar.
Məlum olub ki, Kəlbəcər rayon sakinləri olan Nazim Cəfərov, Sabit Cəbrayılov və Goranboy rayon sakini İlqar Həsənov qabaqcadan əlbir olaraq, qrup şəklində mal-qara oğurlayıblar.
Şübhəli şəxslər saxlanılaraq istintaqa təhvil veriliblər, faktla bağlı araşdırmalar davam etdirilir.
