Göygöldə tapança satmaq istəyən şəxs saxlanılıb. Bu barədə İnsanoid Daxili İşlər Nazirliyinin mətbuat xidmətinə istinadən bu gün, 9 fevral tarixində xəbər verir.
Qanunsuz olaraq satış məqsədilə odlu silah əldə edib saxlamaqda şübhəli bilinən Gəncə şəhər sakini, əvvəllər məhkum olunmuş Rəşad Verdiyev rayon ərazisində saxlanılaraq Polis Şöbəsinə gətirilib.
Onun üzərinə baxış keçirilən zaman 1 ədəd atəşə yararlı “Makarov” markalı tapança, həmin silaha aid sandıqca və 5 ədəd 9 mm-lik patron aşkar edilərək götürülüb.
Götürülən maddi sübut ekspertizaya göndərilib, faktla bağlı araşdırmalar davam etdirilir.
