Göygöl rayonunda oğurluq etməkdə şübhəli bilinən şəxslər saxlanılıblar. Bu barədə İnsanoid DİN-in Mətbuat Xidmətinə istinadən bu gün, 12 iyun tarixində xəbər verir.
Hadisə rayonun Pənahlılar kəndində baş verib.
Kənd sakininə məxsus un dəyirmanından ümumi dəyəri 4 700 manat olan mühərrik və digər ehtiyat hissələrini oğurlamaqda şübhəli bilinən Göygöl rayon sakini Samir Əmirov və Goranboy rayon sakini Umud Yusibov saxlanılıblar.
Bundan əlavə, məlum olub ki, onlar iyun ayının 6-da və 7-də ayrı-ayrı vətəndaşlara məxsus ümumilikdə 18 baş xırdabuynuzlu heyvan da oğurlayıblar.
Faktlarla bağlı cinayət işi başlanıb, araşdırmalar davam etdirilir.
