Gün ərzində küləyin daha da güclənəcəyini nəzərə alaraq, ehtiyatlı davranmaq tövsiyə olunur.
Bu barədə İnsanoid Ekologiya və Təbii Sərvətlər Nazirliyinə isitnadən bu gün, 28 dekabr tarixində xəbər verir.
Qurumun mətbuat katibi İradə İbrahimova bildirib ki, Sinoptiklər Bakı və Abşeron yarımadasında gecə saatlarından başlanan küləyin sürətinin daha da artacağını proqnozlaşdırırlar:
“İndiki saatlarda da güclü külək əsdiyindən vətəndaşlardan xahiş edirik ki, evdən çıxarkən ehtiyat tədbirlərini unutmasınlar”.
Milli Hidrometeorologia Xidmətinin məlumatına görə, gün ərzində küləyin sürəti saniyədə 33-38 metr arasında dəyişəcək. Bizim dəyişməz tövsiyəmiz isə odur ki, əhali ehtiyatlı olsun. Tikinti işləri gedən obyektlərin, yüngül konstruksiyaların, reklam lövhələrinin, hündür ağacların, elektrik dirəkləri və naqillərin altında dayanmaq təhlükəlidir.
Nəqliyyat vasitələrinin də təhlükəsiz yerlərdə saxlanmasına diqqət etmək gərəkdir.
Qabaqcadan tədbirli olaq ki, güclü küləyin yarada biləcəyi fəsadlardan qoruna bilək.
