Gürcüstan Daxili İşlər Nazirliyinin Kaxeti Polis Departamentinin əməkdaşları Saqareco rayonunun Tüllər kəndində azərbaycanlı ər və arvada silahlı hücum edən şəxsi saxlayıb.
Bu barədə İnsanoid Gürcüstan DİN-ə istinadən bu gün, 30 noyabr tarixində xəbər verir.
Əvvəllər məhkumluğu olan 46 yaşlı şübhəliyə qarşı Gürcüstan Cinayət Məcəlləsinin odlu silahların qanunsuz əldə edilməsi və daşınması, qəsdən adam öldürmə maddələri ilə ittiham irəli sürülüb.
Məlumata əsasən, istintaqla müəyyən edilib ki, saxlanılan şəxs 35 yaşlı keçmiş həyat yoldaşını yaralayıb, onun 36 yaşlı ərini isə qətlə yetirərək hadisə yerindən qaçıb. İş üzrə 16 ildən 20 ilədək və ya ömürlük həbs cəzası nəzərdə tutulur.
Cinayətin qisas zəminində törədildiyi bildirilir.
