“Muğan Firması” ticarət mərkəzinin müdiri barəsində inzibati tədbir görülüb. Bu barədə Report 26 iyul tarixində xəbər verib.
İmişli-Bəhrəmtəpə avtomobil yolunun kənarında fəaliyyət göstərən "Qlobus-999" tikinti materialları mağazasının, İmişli rayonunun Qaradonlu kəndindəki “Araz" kafesinin, Hacıqabul rayonunun Muğan qəsəbəsi ərazisindəki “Muğan Firması" ticarət mərkəzinin, Saatlı rayonunun Mollavaizli kəndində “Oskar” kafesinin və Bərdə şəhərinin Bakı küçəsində fəaliyyət göstərən "Bazarstore" marketin fəaliyyəti zamanı formalaşan tullantıların qalaqlanaraq yandırılması faktları müəyyən edilib.
Dövlət Ekoloji Təhlükəsizlik Xidmətinin rəsmisi Bəhruz Məhəmmədov bildirib ki, faktlarla bağlı akt, protokol tərtib olunub, "Qlobus-999" mağazasının müdiri Sahil Quliyev, “Araz" kafesinin sahibi Elnur Ağayev, “Oskar” kafesinin sahibi Saqif Məmmədov, "Bazarstore" mağazasının rəhbəri Pərviz Cabbarzadə vəzifəli şəxs qismində cərimələniblər.
“Muğan Firması" ticarət mərkəzinin müdiri Zabil Məmmədovun isə hüquqi şəxs qismində cərimələnməsi üçün toplanmış sənədlər Hacıqabul Rayon Məhkəməsinə göndərilib.
