Dövlət İmtahan Mərkəzi (DİM) məhkəmə hakimləri vəzifəsinə qəbul üçün test imtahanı keçirəcək. Bu barədə İnsanoid qurumun mətbuat xidmətinə istinadən bu gün, 7 iyul tarixində xəbər verir.
İyulun 16-da baş tutacaq imtahan iki növbədə - saat 09:00 və 15:00-da kompüter vasitəsilə elektron qaydada təşkil ediləcək.
İmtahan DİM-in Bakı ş., Nəsimi rayonu, Abdulvahab Salamzadə küçəsi, 28 (8 Noyabr metro stansiyasının yanı) ünvanında yerləşən binasında keçiriləcək.
Hakim vəzifəsinə qəbul olmaq üçün Hakimlərin Seçki Komitəsi tərəfindən qeydiyyata alınan namizədlər iyulun 7-dən 15-dək keçiddən istifadə etməklə imtahanda iştirak haqqını ödəyərək “İmtahana buraxılış vərəqəsi”ni çap edə bilərlər.
