Bakıda 17 yaşadək qız həndbolçular arasında keçirilən Avropa çempionatına start verilib. Bu barədə Report 5 avqust tarixində xəbər verib.
Bakı İdman Sarayında təşkil olunan qitə birinciliyinin qrup mərhələsində ilk oyun baş tutub.
Yarış meydanına Avropa Həndbol Federasiyasının bayrağı gətirildikdən sonra B qrupunda yer alan Farer adalarının və Yunanıstanın milliləri üz-üzə gəliblər. Oyun Farer adaları komandasının 27:22 hesablı qələbəsi ilə yekunlaşıb.
Avropa çempionatında 10 komanda 2 qrupda gücünü sınayır.
Azərbaycan yığması A qrupunda Bosniya və Herseqovina, Sloveniya, Litva və Gürcüstan kollektivləri ilə yarışacaq. B qrupunda isə İspaniya, İsrail, Yunanıstan, Lüksemburq və Farer adaları komandaları mübarizə aparacaqlar.
Azərbaycan millisi ilk oyununu bu gün Gürcüstana qarşı keçirəcək.
