Bu ilin sonuna "Bakı Metropoliteni" QSC-nin “Həzi Aslanov” stansiyasında əsaslı təmir və yenidənqurma işlərinə başlanılacaq. Bunu səhmdar cəmiyyətinin Mətbuat Xidmətinin rəhbəri Bəxtiyar Məmmədov bildirib.
Bu barədə 16 avqust tarixində Report məlumat verib.
Onun sözlərinə görə, hazırda bu istiqamətdə hazırlıq işləri görülür: “Layihə üzrə işlər başa çatdıqdan və prosedur qaydalarına uyğun tədbirlər görüldükdən sonra təmir işlərinə başlanılacaq və bununla bağlı ictimaiyyətə məlumat veriləcək. Çünki orda hərəkətin təşkili ilə bağlı məsələlər gündəmə gələcək və ictimaiyyətin bilməli olduğu məqamlar çox olacaq. Təmir işlərinə stansiyanın dönmə kamerasında, yəni qatarların dalan yollarında başlanılacaq. Daha sonra proses stansiyanın özündə davam etdiriləcək”.
