Bakı şəhəri və Abşeron rayonundakı yaşayış komplekslərindən daha 100 mənzil şəhid ailələri və müharibə əlillərinə təqdim olunub. Bu barədə 18 mart tarixində Əmək və Əhalinin Sosial Müdafiəsi Nazirliyi məlumat verib.
Nazirliyin nümayəndəsi bildirib ki, 2022-ci ilin əvvəlindən əmək haqqı, pensiya və s. sosial ödənişlər növbəti dəfə artırılıb. 3,4 milyon şəxsi əhatə edən bu artımlar üçün ayrılan illik əlavə vəsait 2,1 milyard manatdır.
“Bu il ərzində şəhid ailələri və müharibə əlillərinə ümumilikdə 1 500 mənzilin verilməsi nəzərdə tutulur", - deyə əmək və əhalinin sosial müdafiəsi nazirinin müavini Vüsal Nəsirli Report-a bildirib.
Qeyd edək ki, nazirlik tərəfindən bu ilin əvvəlindən 200, postmüharibə dövründə 3200, ümumilikdə ötən dövrdə 12500-dən çox şəhid ailəsi və müharibə əlili mənzil və ya fərdi evlə təmin edilib.
[URIS id=37860]
