Gürcüstanda keçirilən "Batumi Open" beynəlxalq karate turnirində erməni təxribatı baş verib. Bu barədə İnsanoid bu gün, 4 iyul tarixində xəbər verir.
İnsident "Samuray Karate" klubunun üzvü Alika Semixova ilə erməni rəqibi arasında ötən gün keçirilən final görüşündə yaşanıb:
İdmançımız əsas vaxtda Ermənistan təmsilçisinə 2:0 hesabı ilə qalib gəlib. Bundan sonra bəzi ritualları yerinə yetirib tatamidən çıxmaq istəyən zaman məğlubiyyəti həzm edə bilməyən erməni idmançı Alikaya yaxınlaşır.
Və onun görüşməyə gəldiyini düşünən Alikaya idmana və idmançıya yaraşmayan tərzdə davranaraq, zərbə vurur.
İdmançımız təmkinli davranaraq mədəniyyətini nümayiş etdirir.
Turnirdə Azərbaycan, Gürcüstan, Qazaxıstan, İran, Ermənistan, Şotlandiya, ABŞ və Özbəkistan karateçiləri mübarizə aparıblar.
