İlahiyyatçı Hacı Salman Kamiloğlu saxlanılıb. Bu barədə İnsanoid Qafqazinfo-ya istinadən bu gün, 25 iyun tarixində xəbər verir.
Hacı Salman barəsində Abşeron Rayon Polis İdarəsində Cinayət Məcəlləsinin müvafiq maddəsi ilə cinayət işi açılıb. O, azyaşlı qıza qarşı seksual xarakterli hərəkətlər etməkdə şübhəli bilinir.
Hadisə iyunun 22-də saat 19:00 radələrində Abşeron rayon Masazır qəsəbəsi ərazisində baş verib. İttihama görə, Hacı Salman 11 yaşlı qızı küçədə maşınına dəvət edib və ona qarşı seksual xarakterli hərəkətlər edib. Baş vermiş hadisə kameraya düşüb və qızın yaxınlarının polisə müraciətindən sonra araşdırmalara başlanılıb.
Bu gün ərzində Abşeron Rayon Məhkəməsi tərəfindən Hacı Salman Kamiloğlu barəsində qətimkan tədbirinin seçilməsi gözlənilir.
