Mərkəzi Seçki Komissiyası (MSK) Azərbaycanda fevralın 7-də keçirilən prezident seçkilərinin yekun nəticələrini elan edib. Bu barədə İnsanoid MSK-ya istinadən bu gün, 13 fevral tarixində xəbər verir.
Dövlət başçısı İlham Əliyev seçkilərdə səslərin 92,12 faizini (4 milyon 567 min 458 səs) toplayaraq qələbə qazanıb.
Seçkilərin protokolu müvafiq sənədlərlə birlikdə Konstitusiya Məhkəməsinə təqdim ediləcək.
MSK sədri Məzahir Pənahov keçirilən iclasda bildirib ki, 125 seçki dairəsi üzrə seçkilərin şəffaf və ədalətli keçirilməsi üçün lazım olan bütün addımlar atılıb.
Seçkilərin yekun nəticələri açıqlanıb:
Əliyev İlham Heydər oğlu – 4 milyon 567 min 458 səs (92,12 faiz)
Oruc Zahid Məhərrəm oğlu – 107 min 632 səs (2,17 faiz).
Mustafa Fazil Qəzənfər oğlu – 98 min 421 səs (1,99 faiz)
Həsənquliyev Qüdrət Müzəffər oğlu – 85 min 411 səs (1,72 faiz)
Nurullayev Razi Qulaməli oğlu – 39 min 643 (0,80 faiz)
Musayev Elşad Nəbi oğlu – 32 min 885 səs (0,66 faiz)
Əliyev Fuad Ağası oğlu – 26 min 517 səs (0,54 faiz)
Bundan əvvəl keçirilən prezident seçkilərində - 2003-cü ildə 76.84%, 2008-ci ildə 88.73%, 2013-cü ildə 84.54%, 2018-ci ildə isə 86.02% səslə qələbə qazanmışdı.
Növbədənkənar prezident seçkilərində seçici fəallığı 76,43 faiz olub.
