ABŞ-nin İllinoys ştatının qubernatoru Jay Robert (J.B.) Pritzker 2023-cü il mayın 28-nin ştatda Azərbaycanın Respublika Günü elan olunması haqqında bəyannamə imzalayıb. Bu barədə Report 17 may tarixində xəbər verib.
Bəyannamədə Çikaqonun Azərbaycan icması üzvlərinin müxtəlif sahələrdə şəhərin mədəni və iqtisadi inkişafına, regional müxtəlifliyə, mədəniyyətlərarası dostluğa, eləcə də sülhə və firavanlığa töhfə verdiyi bildirilir.
Sənəddə qeyd olunur ki, universal seçki hüququ verən ilk dövlətlərdən olan Azərbaycan ABŞ-nin müttəfiqi və strateji tərəfdaşıdır. Dünyanın hər yerində yaşayan bütün azərbaycanlılar mayın 28-ni Azərbaycanın Respublika Günü kimi qeyd edirlər. Qubernator ştat sakinlərini bu günü azərbaycanlılarla birgə qeyd etməyə qoşulmağa səsləyib.
[caption id="attachment_116128" align="alignnone" width="696"]
Foto Report.az saytı[/caption]
