DSX və DİN birlikdə İran sərhədində əməliyyat keçirib. Bu barədə İnsanoid DSX-nin Mətbuat Xidmətinə istinadən bu gün, 21 iyun tarixində xəbər verir.
İyunun 21-də saat 01:30-da Dövlət Sərhəd Xidməti (DSX) və Daxili İşlər Nazirliyi (DİN) əməkdaşlarının keçirdiyi birgə əməliyyat-axtarış tədbirləri nəticəsində Sərhəd Qoşunlarının “Horadiz” sərhəd dəstəsinin xidməti ərazisində 37 yaşlı Lənkəran rayon sakini Eyvazov Elgün Namiq oğlu İrandan Azərbaycan istiqamətində dövlət sərhədini pozarkən saxlanılıb.
Eyni tarixdə saat 07:00-da Xidmətin Sərhəd Qoşunlarının “Göytəpə” sərhəd dəstəsinin xidməti ərazisində 28 yaşlı Əfqanıstan vətəndaşı Amiri Məcid İrandan Azərbaycan istiqamətində dövlət sərhədini pozarkən saxlanılıb.
Faktlar üzrə əməliyyat-istintaq tədbirləri davam etdirilir.
[caption id="attachment_119767" align="alignnone" width="696"]
Foto DSX-nin rəsmi saytı[/caption]
