İsmayıllıda avtomobil aşıb, bir ailənin 3 üzvü yaralanıb. Bu barədə 6 yanvar tarixində Report məlumat verib.
Hadisə rayonun Qurbanəfəndi yolunda baş verib.
Belə ki, "Hyundai Tucson" markalı avtomobilin sürücüsü Füzuli Alışanov qəfil idarəetməni itirib və nəqliyyat vasitəsi yoldan çıxaraq aşıb.
Hadisə nəticəsində avtomobildə olan rayonun İstisu kənd sakinləri – sürücü, 65 yaşlı Alışanov Füzuli Vəli oğlu, sərnişinlər – 58 yaşlı Alışanova Nəcibə Eldar qızı və 22 yaşlı Alışanov Amil Füzuli oğlu müxtəlif dərəcəli bədən xəsarətləri alıblar. Yaralılar İsmayıllı Rayon Mərkəzi Xəstəxanasına çatdırılıb, vəziyyətləri ağırdır.
Faktla bağlı araşdırma aparılır.
[gallery link="file" size="full" ids="157607,157608,157609"]
