“Imagine Dragons”un konsertinə görə “iTicket.az” saytı biletlərin alışı zamanı komissiya haqqı çıxmağa başlayıb. Bu barədə İnsanoid bu gün, 4 may tarixində xəbər verir.
Bu ilin sentyabr ayında “Imagine Dragons”un Bakıda təşkil olunacaq konsertinə görə tanınmış bilet satışı portalı əlavə komissiya haqqı tətbiq edib.
Belə ki, hər biletə görə 10 % komissiya haqqı tətbiq edən saytın nümayəndəsi cavab olaraq bildirib ki, bu, kassir və ya sayt tərəfindən göstərilən xidmətə görə nəzərdə tutulub.
Alıcılardan bir çoxu sosial şəbəkələrdə bu addıma etiraz ediblər. Lakin bunun heç bir faydası olmayıb. Tələbatın çoxluğu səbəbindən sayt həddindən artıq yüklənib. Hətta bəzən bileti almaq mümkün olmayıb.
Bəs görəsən, sayt hansı “xidmət” haqqından danışır?
Qeyd edək ki, sosial şəbəkələrdə bu addım birmənalı qarşılanmayıb. Şirkətin mobil tətbiqetməsindəki qayda və şərtlərində xidmət haqqı ilə bağlı heç bir müddəa yoxdur. Bu isə istehlakçı hüquqlarının kobud şəkildə pozulması deməkdir.
