Kür çayının Salyan rayonundan keçən hissəsində suyun səviyyəsi artıb. Bu haqda Report məlumat paylaşıb.
Sakinlərin sözlərinə görə, bir müddət əvvəl Kürün rayon ərazisindən keçən hissəsində çayın suyu tamamilə qurumuşdu. Çayın quruması isə rayon ərazisində su böhranı yaratmışdı.
Martın 16-dan başlayaraq çayın qurumuş hissəsində suyun səviyyəsi qalxaraq 20-25 santimetrə qədər artıb.
Milli Hidrometeorologiya Xidmətinin rəis müavini Rafiq Verdiyev bildirib ki, Kürün səviyyəsinin qalxmasının əsas səbəbi Mingəçevir su anbarıdır.
Yağan intensiv yağışlar da suyun səviyyəsinin artmasına səbəb olur. Lakin həmin ərazidə suyun səviyyəsinin qalxması, anbardan buraxılan suyun həcminin 95 kubmetr/saniyəyə çatdırılmasıdır.
