İşğaldan azad olunan Kəlbəcər rayonunda növbədənkənar Azərbaycan Prezidenti seçkiləri üzrə səsvermə başlayıb. Bu barədə Report 7 fevral tarixində xəbər verib.
Rayonda 123 saylı Kəlbəcər seçki dairəsinin iki məntəqəsi yaradılıb.
Kəlbəcər şəhərində fəaliyyət göstərən Bakı Abadlıq şirkətinin inzibati binasında yerləşən 63 saylı məntəqədə 603, Kəlbəcər Su-Kanal İdarəsinin inzibati binasında yaradılan 64 saylı məntəqədə isə 875 seçici qeydiyyatdadır.
Kəlbəcər rayonunda ümumilikdə 1 478 seçici var. Seçkilərin gedişini 28 yerli müşahidəçi izləyir.
İşğaldan azad olunan Zəngilan və Qubadlı rayonlarında növbədənkənar Azərbaycan Prezidenti seçkiləri üzrə səsvermə başlayıb.
Qeydiyyata alınan seçicilər 125 saylı Zəngilan-Qubadlı seçki dairəsi nəzdində yaradılan 4 məntəqədə səsvermədə iştirak edəcəklər. Məntəqələrdən 3-ü Zəngilan, 1-i isə Qubadlı rayonu ərazisində yaradılıb.
Zəngilan və Qubadlı rayonlarının işğaldan azad edilən ərazilərində ümumilikdə 2919 seçici qeydiyyata alınıb. Qeydiyyata alınan seçicilər 125 saylı Zəngilan-Qubadlı seçki dairəsinin nəzdində yaradılan 4 məntəqə üzrə səsvermədə iştirak edəcəklər.
Səsvermə məntəqələri bütün ləvazimatlarla təchiz edilib. Burada səsvermə kabinəsi quraşdırılıb, məntəqə üzvləri, müşahidəçilər üçün yerlər ayrılıb. Səsvermə otağına səsvermə qutuları, stol, yazı ləvazimatı və gizli səsvermə üçün lazım olan digər zəruri əşyalar qoyulub.
[caption id="attachment_161479" align="alignnone" width="696"]
Foto Report.az saytı[/caption]
