Kəlbəcərdə avtomobilin çaya aşması nəticəsində həlak olan şəxs polkovnik-leytenant olub. Bu haqda 2 fevral tarixində Qafqazinfo.az məlumat verib.
Xəbər verdiyimiz kimi, bir nəfərin ölümü, iki nəfərin isə yaralanması ilə nəticələnən qəza Qılınclı kəndi ərazisində baş verib. Hadisə nəticəsində həlak olan 42 yaşlı Nurlan Babayev polkovnik-leytenant olub. O, bir müddət əvvəl ordu sıralarından təqaüdə çıxıb və Kəlbəcərdə mülki işçi kimi çalışıb.
21 il Azərbaycan ordusunda xidmət edən N.Babayev Türkiyədə təhsil alan zabitlərdən olub. O, Ağdam, Tərtər, Gəncə və Naxçıvanda xidmət edib. Əslən Bakıdan olan N.Babayev bu gün paytaxtda dəfn olunacaq.
