İqtisadiyyat Nazirliyi yanında Kiçik və Orta Biznesin İnkişafı Agentliyi (KOBİA) "Bakı KOB Evi"ni istifadəyə verməyə hazırlaşır. Bunu "IT Academy"nin açılış mərasimində Agentliyin İdarə Heyətinin sədr müavini Samir Hümbətov bildirib.
Bu barədə 5 noyabr tarixində Report xəbər verib.
Onun sözlərinə görə, orada işlər artıq yekunlaşmaq üzrədir.
“KOBİA startaplara bir çox məsələlərdə dəstək verir. Məsələn, biz startap şəhadətnaməsi veririk və onun sahibləri 3 il müddətində vergi güzəşti qazanır”, - deyə o əlavə edib.
