Kürdəmirin Atakişili kəndində ağır yol qəzası baş verib, ölən və xəsarət alanlar var. Bu barədə 15 iyun tarixində Report məlumat verib.
Bakı şəhər sakini, 24 yaşlı Xasıyanov Ruslan Əli oğlunun idarə etdiyi “Toyota Prius” markalı avtomobil Gəncə istiqamətində hərəkətdə olarkən yol kənarında dayanmış 26 yaşlı Bərdə rayon sakini Allahverdiyev Salman Lətif oğluna məxsus “Mercedes” markalı yük maşınına çarpılıb. Nəticədə “Toyota Prius”un sərnişini, 23 yaşlı Mənsimov Elnur Cavanşir oğlu hadisə yerindəcə dünyasını dəyişib.
Qəza zamanı sürücü və digər sərnişinlər - Bakı şəhər sakinləri - 32 yaşlı Qasımov Vahid Hüseynağa oğlu və 1991-ci il təvəllüdlü Səmədov İslam Rövşən oğlu, eləcə də ”Mercedes” in sürücüsü S.Allahverdiyev ağır xəsarətlər alıblar.
Məlumata əsasən, “Toyota Prius”un sürücüsü və sərnişinləri bu gün 15 İyun - Milli Qurtuluş Günü münasibətilə Mingəçevir şəhərində baş tutacaq konsert proqramına səhnə konstruksiyalarını quraşdırmaq üçün gedirlərmiş. Hadisə səhər saat 5:00 radələrində baş verib.
Faktla bağlı araşdırma aparılır.
[gallery link="file" size="full" ids="119099,119097,119098"]
